Í samband við at tað eru 28 ár liðin, síðani Sunda Byrsufelag varð stovnað, var kapping hildin leygardagin 12. apríl á skjótibananum við Norðskála. Undirtøkan var góð, 15 skjúttar høvdu meldað seg til kappingina. Veðrið var okkum tíverri ikki til vildar, og tí tók tað nokk so drúgva tíð at fáa kappingina avviklaða, og hóast úrslitini hjá monnum hava verið betri, so varð spenningur í, tá ið finalurundan í meistarabólkinum varð skotin. Tá ið avtódnaði, var tað Jóannis Joensen, sum fór avstað við sigrinum. Nr. 2 gjørdist Sjúrður Knudsen og nr. 3 gjørdist Eirikur Elisson. Í A-bólkinum gjørdist Tórður Fløtt nr. 1, Sámal Debes nr. 2 og Johnhard Klettheyggj nr 3. Sunda Byrsufelag takkar fyri eina góða kapping.