Ferðatrygging
Tá skjútti verður úttikin til landsliðið, at umboða Føroyar á skjótikappingum ella venjingarlegu uttanlands, teknar SkF ferðatrygging vegna skjúttan.
Velur skjútti at luttaka sjálvur uttanfyri landsliðið, má hann sjálvur tekna sína persónliga ferðatrygging.

Stuðul
SkF stuðlar skjúttum, sum luttaka á kappingum ella venjingarlegu uttanlands. Treyturnar eru:

• 2.000,00 kr. pr ferð.
• Í mesta lagið 3 ferðir í einum álmanakka árið.
• Skjúttin skal verða limur í einum av limafeløgunum í SkF, og ikki verða í eftirstøðu í meira enn ½ ár í limafelagi hann er limur í.
• Hava vant regluliga, og luttikið regluliga í kappingum í Føroyum.

Beinanvegin kappingin er liðug, skal skjútti senda umsókn um stuðul til SkF.
Verður umsókn ikki móttikin, innan 20 dagar aftaná seinasta kappingardag í kappingini luttikið verður í, verður ongin stuðul útgoldin.

Skjútti kann eisini søkja um eyka stuðul til servenjingarlegur uttanlands, men tá skal søkjast í góðari tíð, og aðrar treytir fylgja við. M.a. at vænta verður av skjútta, at  hann miðlar víðari tað hann hevur lært á venjingarleguni, vegna SkF.

Avtala millum SkF og skjútta verður tískil gjørd, áðrenn skjútti fær eyka stuðul til hesar venjingar.

Oyðublað til søkja stuðul við, sæst her: [trýst her]

Starvsnevndin í SkF tilskilar sær rætt at nokta stuðul, um skjútti ikki livur upp til treytirnar omanfyri.

Uppihald o.a.
Verður skjútti úttikin til landsliðið, fær hann endurgoldið venjiútreiðslur og luttøkugjald til kappingina ið hann skal luttaka í vegna Føroyar.

Landsliðsskjúttar fáa eisini dagpengar til kost, ið verða ásettir eftir kostnaðarstøðinum í landinum ferðast verður til, og hvørjar máltíðir eru íroknaðar í uppihaldið.

Endurgjald fyri mista inntøku ella mista frítíð, verður ikki endurgoldið av SkF, tá skjútti er í ørindum uttanlands fyri SkF. Men undantak kann gerast, um starvsnevndin í SkF metir at tað er neyðugt.

Annað
Tað er ábyrgdin hjá skjúttanum, at hava pass, skjótiprógv, ferðaloyvi og onnur loyvi í ordan, til uttanlandsferðina.

ÍSF hevur avtalu við Atlantic Airways um at ítróttarfólk ið eru limir í einum limafelag, undir einum sersambandið, kunnu fáa eitt eyka ókeypis kuffert við í Atlantic Airways flúgvara. Set teg í samband við Atlantic Airways, aftaná tit hava bílagt ferðina á netinum, og sig teimum, at tit hava eitt eyka vápna kuffert við, uppá avtalunum millum ÍSF og Atlantic.