Um vikuskifti hevur Skjótisamband Føroya skipa fyri FM kapping í OL skeet og OL trap.

Við ársbyrjan setti altjóða skjótisambandið ISSF nýggjar finalu reglar í gildið, og hetta er fyrstuferð at hesar verða royndar í FM. Finalurnar eru styttar, samstundis sum talið á finaluplássum er økt úr seks upp í átta. Nýggja finalusniðið krevur, at íðkarar eru 100 prosent til reiðar frá fyrstu dúgvu, og tað er ikki pláss fyri nógvum mistøkum í finaluni.

Innleiðandi áðrenn finaluna, bleiv talan um eina spennandi og javna kapping, har nakrar heilt fáar dúgvu skiltu íðkarar frá finaluplássunum.

Tað endaði tó við, at Esmar Joensen úr Veiðifelagnum Byrsumúla og Tórur Fløtt úr Sunda Byrsufelag, báðir megnaðu at halda høvdið kalt, og gjørdu fægst mistøk, og tá saman um kom endaðu teir ávikavist 5 og 4 dúgvur frammanfyri næsta kappingarneyta.

Unglingina kappingina í skeet vann Leivur Joensen úr Sunda Byrsufelag, og Bartal Klettheyggj úr Veiðifelagnum Byrsumúla vann unglinga kappingina í trap, frammanfyri Jógvan Sjúða Hansen, úr sama felag. Bæði Bartal og Leivur vunnu eisini silvur í samlaða FM kappingini, sum má metast at verða sera flott.

Í ár hevur eisini verði kappast um eitt lið ferðasteyp í OL trap millum Eysturskot og Veiðifelagið Byrsumúla, aftur í ár vann Byrsumúli steypið til ognar. Teir ið umboðaðu liðini í FM, vóru Esmar Joensen og Bartal Klettheyggj úr Veiðifelagnum Byrsumúla, og Alex Johannesen og Kristian Johannesen úr Eysturskoti.

Seinasta FM kappingin á hesum sinni, verður komandi vikuskifti, leygardagin 5. sept. tá FM í Nordisk Trap verður í úti á Vík í Leirvík.

Øll úrslit trap: [ Trýst her ]

Øll úrslit skeet: [ Trýst her ]

Møtitíð og staður
Leygardagin 5. september 2026 kl. 9:00 á breytini hjá Eysturskot úti á Vík í Leirvík. Íðkarar skulu møta kl. 08:30.

Tilmelding
Tilmelding fer fram við at útfylla hetta oyðublað: >>Trýst her<<

Tilmeldingarfreistin er hósdagin 3. sept. 2026 kl. 20:00.

Prísur
Kostnaðurin fyri kappingina er 100 kr. fyri unglingar og 300 kr. fyri restina. Tú er unglingur, um tú er 21 ár ella yngri, tá kalendara árið byrjar.

Luttøkugjaldið skal flytast á konto 9181 4159154 í seinasta lagi 4. sept. 2026 kl. 23:59.

Kappingin
Skotið verður eftir 100 dúgvum innleiðandi, og síðani fara 5 teir fremstu íðkararnir í eina finalu, við 25 eyka dúgvum, sum verða taldar saman við innleiðandi tølunum.

Unglingakappingin endar eftir innleiðandi 100 dúgvurnar.

Allir íðkarar kappast í sama bólki, t.v.s. tað verða ikki A ella B bólkar.

Vinningar
FM vinnarin fær ferðasteyp og steyp til ognar, haraftrat verða heiðursmerki latin. 

Unglingar kappast eisini um heiðursmerki, og peningin til patrónir og dúgvir at venja fyri.

Nr. 1. 2.000 kr.
Nr. 2. 1.500 kr.
Nr. 3. 1.000 kr.

Vinningurin skal brúkast áðrenn 31. desember 2027.

Reglugerðin fyri ferðasteypið sæst her: Trýst her

Venjing
Í vikuni upp til FM, letur EYS breytina upp fyri venjing til kappingina. Fylg við á teirra heimasíðu nær breytin er opin.

Sí annars fleiri treytir v. m. fyri FM her: Trýst her

Tilmeldingar dagført 30-08-2026 21:00

Kappingin byrjar leygardagin 29. august 2026 kl. 10:00. Uml. kl. 14:00 eru fyrstu 3 innleiðandi umførini leygardag liðug.

Sunnudagin 30.aug. verður byrja kl. 13:00 við seinastu innleiðandi umførunum. Uml. kl. 15:30 byrja finalurnar, og ein hálvan tíma seinni er greitt hvør er føroyameistari í OL trap og OL skeet í 2026.

Beinleiðis dagføring við úrslitinum:

OL trap: [ Trýst her ]

OL skeet: [ Trýst her ]

Møtitíð og staður

OL TRAP

OL SKEET

Tilmelding

Tilmelding fer fram við at útfylla hetta oyðublað.

>> TRÝST HER <<

Tilmeldingarfreistin er hósdagin 27. august 2026 kl. 20:00.

Prísur
Kostnaðurin fyri kappingina er 100 kr. fyri unglingar og 300 kr. fyri restina. Tú er unglingur, um tú er 21 ár ella yngri, tá kalendara árið byrjar.

Luttøkugjaldið skal flytast á konto 9181 4159154 í seinasta lagi 28. august 2026 kl. 23:59.

Kappingin
Skotið verður eftir 75 dúgvum leygardagin og 50 dúgvum sunnudagin. Síðani fara 8 teir fremstu íðkararnir í eina finalu, sum verður avgreidd eftir ISSF 2026 finalu reglum.

Fyrri kappingardagurin telur við í Føroya Cup 2026. Endaplássini sunnudagin telja við í Grand Prix 2026.

Unglingakappingin endar eftir innleiðandi umførini.

Allir íðkarar kappast í sama bólki, t.v.s. tað verða ikki A ella B bólkar.

Vinningar
FM vinnarin fær ferðasteyp og steyp til ognar, haraftrat verða heiðursmerki latin. 

Unglingar kappast eisini um heiðursmerki, og peningin til patrónir og dúgvir at venja fyri.

Nr. 1. 2.000 kr.
Nr. 2. 1.500 kr.
Nr. 3. 1.000 kr.

Vinningurin skal brúkast áðrenn 31. desember 2027.

Reglugerðin fyri ferðasteypið sæst her: Trýst her

Venjing
Í vikuni upp til FM, lata VBF og VBM breytinar upp fyri venjing, fyri íðkaranum sum hava tilmelda seg til kappingina. Fylg við á teirra facebook síðu ella heimasíðu, nær breytirnar eru opnar.

Sí annars fleiri treytir v. m. fyri FM her: Trýst her

Tilmeldingar endaligt:

Hesa vikuna hevur norðurlandameistara kapping í skjóting verði í Estlandi.

Eftir at finalurnar blivu avgreiddar í dag, kunnu vit errin staðfesta, at Bartal Klettheyggj er 3. besti unglingur, og at Alex Johannesen er 3. besti vaksni íðkari, í OL trap í Norðanlondum í løtuni.

Unglinga finalan bleiv merkt av nógvum órógv, og útgerð sum argaði, men hóast hetta megnaði Bartal Klettheyggj at halda høvdið kalt, og fáa eitt flott triðapláss, hóast hann áðrenn finaluna varð á einum fjórða plássi.

Innleiðandi til vaksnamanna finaluna, varð Alex Johannesen javnur við ein íðkara úr Svøríki um at fáa finalupláss, so hesir báðir skuldu í umskjóting. Umskjótingin varð sera spennandi, men tað endaði við at Alex dró langra stráið, og megnaði at vinna finalupláss. Í finaluni megnaði Alex at fáa eitt flott triðapláss, hóast hann byrjaði sum nummar 8 í finaluni.

Aftrat Alex og Bartal, luttókku Johnhard Klettheyggj, Jógvan Egholm og Herleif Hammer, men hesir vóru ov stuttir at fáa finalupláss. Esmar Joensen formaður í Skjótisamband Føroya, varð eisini við sum umboð fyri føroyska skjóting.

Føroyska ferðalagið verður heima aftur í sunnukvøldið.

Skjótisamband Føroya hevur úttikið 6 íðkarar at umboða Føroyar í EM, sum verður í Grikkalandi í døgunum 27. sept til 13. okt. 2026.

Íðkarar ið fara at umboða Føroyar verða hesir.

OL Skeet
Tórur Fløtt, SBF
Pól Jóhannus Smith Jensen, SBF
Jógvan Egholm, VBF

OL Trap
Johnhard Klettheyggj, VBM
Esmar Joensen, VBM
Bartal Klettheyggj, VBM

27.sept til 13. okt. 2026.

Áður er kunngjørt, at úttøkan til EM í Grikkalandi endar tann 30. juli. Men av tí at lógirnar í Grikkalandi áseta, at umsóknirnar um vápnaloyvi, saman við flogferðaseðlum skulu verða inni áðrenn, mugu vit tíverri enda úttøkuna tann: 15. Juli kl. 23:59.

Íðkarar sum tá hava vunnið sær pláss á landsliðinum, fáa IKKI umhugsnar tíð, teir skulu svara beinanvegin tá teir verða spurdir, um teir verða við ella ikki.

Gott í tykkum, sum longu liggja ovarlaga á styrkislistanum, og longu nú vita at tit fara at taka av møguligum landsliðsboðum, senda okkum upplýsingar niðanfyri áðrenn úttøkan endar. Tað lættir um tíðartrýsti vit brádliga komu í.

• Mynd av ferðapassi (síðan við andlitsmyndini)
• Mynd av vápnapassi (báðar síðir).
• Mynd av vápnaprógvi (síðan við navnið).
• Navnið á byrsuni á vápnapassinum, sum tú fer at brúka
• Eina andlitsmynd sum er ikki ov gomul av tær.
• Tín núverandi bústaður.

Vinarliga
Skjótisamband Føroya

Frá 3. til 13. juli verður ISSF World Cup í Lonato, Italia.

Vit eru umboða við 6 íðkarum, 3 í skeet og 3 í trap.

Skeet
Tórur Fløtt, Marius F. Joensen og Pól Jóhannus Smith Jensen

Teirra skjótiskrá sær soleiðis út:

5. juli. 50 innleiðandi dúgvur.
6. juli. 50 innleiðandi dúgvur.
7. juli. 25 innleiðandi dúgvur + finala.

Trap
Esmar Joensen, Alex Johannesen og Finn Ludvig

Teirra skjótiskrá sær soleiðis út:

10. juli. 75 innleiðandi dúgvur.
11. juli. 50 innleiðandi dúgvur + finala.

Úrslit verða at síggja á hesi slóð:
https://www.issf-sports.org/competitions/3285/results

Okkum er fortalt, at fyri fyrstuferð fer ISSF at royna at stroyma beinleiðis frá innleiðandi kappingini eisini. Leinkjan til ISSF kanalina er:
https://www.youtube.com/issfchannel

Skjótisamband Føroya hevur úttikið 5 íðkarar at umboða Føroyar í Norðurlendska meistaraheitinum í skjóting 2026, sum verður í Estlandi í døgunum 5.-9 aug. 2026.

Íðkarar ið fara at umboða Føroyar eru hesir.

OL Trap
Alex Johannesen, EYS
Bartal Klettheyggj, VBM
Johnhard Klettheyggj, VBM

OL Skeet
Jógvan Egholm, VBF
Herleif Hammer, VBM

Skjótisamband Føroya hevur úttikið 6 íðkarar at umboða Føroyar í World Cup, sum verður í Italia í døgunum 2.-12 juli 2026.

Íðkarar ið fara at umboða Føroyar verða hesir.

OL Trap
Alex Johannesen, EYS
Esmar Joensen, VBM
Finn Ludvig, VBM

OL Skeet
Tórur Fløtt, SBF
Marius F. Joensen, SBF
Pól Jóhannus Smith Jensen, SBF

Av hesum íðkarum, hevur Finn Ludvig drúgvastu royndir innan leirdúgvuskjóting í Føroyum, men hóast hetta, so er hetta fyrsta altjóða kapping ið hann umboðar Føroyar, síðan SkF fekk altjóða limaskap.

Hinir íðkararnir hava allir luttikið í altjóða kappingum fyrr.