Seinasta FM kappingin í ár, varð avgreidd úti á Vík í Leirvík í dag, tá FM í Nordisk Trap varð á skránni.
Innan finaluna, varð Alex Johannesen úr Eysturskoti 4 dúgvur frammanfyri næsta kappingarneyta, sum varð Kristian Johannesen úr sama felag.
Í Nordisk Trap taka íðkarar tølini innleiðandi við í finaluna, t.v.s. at tølini verða ikki nullstillaði áðrenn finaluna, og tískil skuldi Alex “bara” royna ikki at missa 4 ella fleiri dúgvur í finaluni. Hetta megnaði Alex, tí hann fekk 23 av 25 dúgvur í finaluni, og tá Kristan rakti 19 av 25, endaði Alex við at økja leiðsluna við 8 dúgvum.
Bronsuna vann Carsten Joensen úr Eysturskot.
Hetta varð samstundis triða FM kappingin í Nordisk Trap á rað, sum Alex vinnur, og tað merkir at hann hevur vunnið ferðasteypið til ognar, uttan at nakað annað navn er komið á tað.
Unglinga kappingina vann Jógvan Sjúrður Hansen úr Veiðifelagnum Byrsumúla. Tað serliga við hesum úrslitinum er, at Jógvan Sjúrður byrjaði at skjóta fyrr í ár.
Skjótisamband Føroya (SkF) hevur ábyrgdina av FM kappingum, men síðan FM í Nordisk Trap kom í Føroyum, hevur Eysturskot átikið sær at fyriskipa kappingina vegna SkF. Haraftrat hevur Eysturskot eisini tikið sær av úttøku, og fyriskipan ísv. við at Føroyar hvørt ár luttaka í norðurlendska meistaraskapinum í Nordisk Trap.
SkF vil við hesum nýta høvið at takka Eysturskoti fyri teirra hjálp ísv. við FM og landsliðið í Nordisk Trap.
Øll úrslit frá FM í Nordisk Trap 2026 síggjast her: [ Trýst her ]
FM Nordisk Trap 1. Alex Johannesen 2. Kristian Johannesen 3. Carsten JoensenUnglingar 1. Jógvan Sjúrður Hansen 2. Marius Gaardlykke (manglar á myndini) 3. Bartal KlettheyggjSkjótibreytin úti á Vík í Leirvík Eitt tað vakrasta baksýni á nakrari skjótibreyt í heiminum.
Møtitíð og staður Leygardagin 5. september 2026 kl. 9:00 á breytini hjá Eysturskot úti á Vík í Leirvík. Íðkarar skulu møta kl. 08:30.
Tilmelding Tilmelding fer fram við at útfylla hetta oyðublað: >>Trýst her<<
Tilmeldingarfreistin er hósdagin 3. sept. 2026 kl. 20:00.
Prísur Kostnaðurin fyri kappingina er 100 kr. fyri unglingar og 300 kr. fyri restina. Tú er unglingur, um tú er 21 ár ella yngri, tá kalendara árið byrjar.
Luttøkugjaldið skal flytast á konto 9181 4159154 í seinasta lagi 4. sept. 2026 kl. 23:59.
Kappingin Skotið verður eftir 100 dúgvum innleiðandi, og síðani fara 5 teir fremstu íðkararnir í eina finalu, við 25 eyka dúgvum, sum verða taldar saman við innleiðandi tølunum.
Unglingakappingin endar eftir innleiðandi 100 dúgvurnar.
Allir íðkarar kappast í sama bólki, t.v.s. tað verða ikki A ella B bólkar.
Vinningar FM vinnarin fær ferðasteyp og steyp til ognar, haraftrat verða heiðursmerki latin.
Unglingar kappast eisini um heiðursmerki, og peningin til patrónir og dúgvir at venja fyri.
Nr. 1. 2.000 kr. Nr. 2. 1.500 kr. Nr. 3. 1.000 kr.
Vinningurin skal brúkast áðrenn 31. desember 2027.
Um vikuskifti hevur Skjótisamband Føroya skipa fyri FM kapping í OL skeet og OL trap.
Við ársbyrjan setti altjóða skjótisambandið ISSF nýggjar finalu reglar í gildið, og hetta er fyrstuferð at hesar verða royndar í FM. Finalurnar eru styttar, samstundis sum talið á finaluplássum er økt úr seks upp í átta. Nýggja finalusniðið krevur, at íðkarar eru 100 prosent til reiðar frá fyrstu dúgvu, og tað er ikki pláss fyri nógvum mistøkum í finaluni.
Innleiðandi áðrenn finaluna, bleiv talan um eina spennandi og javna kapping, har nakrar heilt fáar dúgvu skiltu íðkarar frá finaluplássunum.
Tað endaði tó við, at Esmar Joensen úr Veiðifelagnum Byrsumúla og Tórur Fløtt úr Sunda Byrsufelag, báðir megnaðu at halda høvdið kalt, og gjørdu fægst mistøk, og tá saman um kom endaðu teir ávikavist 5 og 4 dúgvur frammanfyri næsta kappingarneyta.
Unglingina kappingina í skeet vann Leivur Joensen úr Sunda Byrsufelag, og Bartal Klettheyggj úr Veiðifelagnum Byrsumúla vann unglinga kappingina í trap, frammanfyri Jógvan Sjúða Hansen, úr sama felag. Bæði Bartal og Leivur vunnu eisini silvur í samlaða FM kappingini, sum má metast at verða sera flott.
Í ár hevur eisini verði kappast um eitt lið ferðasteyp í OL trap millum Eysturskot og Veiðifelagið Byrsumúla, aftur í ár vann Byrsumúli steypið til ognar. Teir ið umboðaðu liðini í FM, vóru Esmar Joensen og Bartal Klettheyggj úr Veiðifelagnum Byrsumúla, og Alex Johannesen og Kristian Johannesen úr Eysturskoti.
Seinasta FM kappingin á hesum sinni, verður komandi vikuskifti, leygardagin 5. sept. tá FM í Nordisk Trap verður í úti á Vík í Leirvík.
Kappingin byrjar leygardagin 29. august 2026 kl. 10:00. Uml. kl. 14:00 eru fyrstu 3 innleiðandi umførini leygardag liðug.
Sunnudagin 30.aug. verður byrja kl. 13:00 við seinastu innleiðandi umførunum. Uml. kl. 15:30 byrja finalurnar, og ein hálvan tíma seinni er greitt hvør er føroyameistari í OL trap og OL skeet í 2026.
Tilmeldingarfreistin er hósdagin 27. august 2026 kl. 20:00.
Prísur Kostnaðurin fyri kappingina er 100 kr. fyri unglingar og 300 kr. fyri restina. Tú er unglingur, um tú er 21 ár ella yngri, tá kalendara árið byrjar.
Luttøkugjaldið skal flytast á konto 9181 4159154 í seinasta lagi 28. august 2026 kl. 23:59.
Kappingin Skotið verður eftir 75 dúgvum leygardagin og 50 dúgvum sunnudagin. Síðani fara 8 teir fremstu íðkararnir í eina finalu, sum verður avgreidd eftir ISSF 2026 finalu reglum.
Fyrri kappingardagurin telur við í Føroya Cup 2026. Endaplássini sunnudagin telja við í Grand Prix 2026.
Unglingakappingin endar eftir innleiðandi umførini.
Allir íðkarar kappast í sama bólki, t.v.s. tað verða ikki A ella B bólkar.
Vinningar FM vinnarin fær ferðasteyp og steyp til ognar, haraftrat verða heiðursmerki latin.
Unglingar kappast eisini um heiðursmerki, og peningin til patrónir og dúgvir at venja fyri.
Nr. 1. 2.000 kr. Nr. 2. 1.500 kr. Nr. 3. 1.000 kr.
Vinningurin skal brúkast áðrenn 31. desember 2027.
Venjing Í vikuni upp til FM, lata VBF og VBM breytinar upp fyri venjing, fyri íðkaranum sum hava tilmelda seg til kappingina. Fylg við á teirra facebook síðu ella heimasíðu, nær breytirnar eru opnar.
Sí annars fleiri treytir v. m. fyri FM her: Trýst her
Hesa vikuna hevur norðurlandameistara kapping í skjóting verði í Estlandi.
Eftir at finalurnar blivu avgreiddar í dag, kunnu vit errin staðfesta, at Bartal Klettheyggj er 3. besti unglingur, og at Alex Johannesen er 3. besti vaksni íðkari, í OL trap í Norðanlondum í løtuni.
Unglinga finalan bleiv merkt av nógvum órógv, og útgerð sum argaði, men hóast hetta megnaði Bartal Klettheyggj at halda høvdið kalt, og fáa eitt flott triðapláss, hóast hann áðrenn finaluna varð á einum fjórða plássi.
Innleiðandi til vaksnamanna finaluna, varð Alex Johannesen javnur við ein íðkara úr Svøríki um at fáa finalupláss, so hesir báðir skuldu í umskjóting. Umskjótingin varð sera spennandi, men tað endaði við at Alex dró langra stráið, og megnaði at vinna finalupláss. Í finaluni megnaði Alex at fáa eitt flott triðapláss, hóast hann byrjaði sum nummar 8 í finaluni.
Aftrat Alex og Bartal, luttókku Johnhard Klettheyggj, Jógvan Egholm og Herleif Hammer, men hesir vóru ov stuttir at fáa finalupláss. Esmar Joensen formaður í Skjótisamband Føroya, varð eisini við sum umboð fyri føroyska skjóting.
Føroyska ferðalagið verður heima aftur í sunnukvøldið.
Bartal Klettheyggj, nr. 3 unglingurAlex Johannesen, nr. 3 vaksin
Áður er kunngjørt, at úttøkan til EM í Grikkalandi endar tann 30. juli. Men av tí at lógirnar í Grikkalandi áseta, at umsóknirnar um vápnaloyvi, saman við flogferðaseðlum skulu verða inni áðrenn, mugu vit tíverri enda úttøkuna tann: 15. Juli kl. 23:59.
Íðkarar sum tá hava vunnið sær pláss á landsliðinum, fáa IKKI umhugsnar tíð, teir skulu svara beinanvegin tá teir verða spurdir, um teir verða við ella ikki.
Gott í tykkum, sum longu liggja ovarlaga á styrkislistanum, og longu nú vita at tit fara at taka av møguligum landsliðsboðum, senda okkum upplýsingar niðanfyri áðrenn úttøkan endar. Tað lættir um tíðartrýsti vit brádliga komu í.
Mynd av ferðapassi (síðan við andlitsmyndini)
Mynd av vápnapassi (báðar síðir).
Mynd av vápnaprógvi (síðan við navnið).
Navnið á byrsuni á vápnapassinum, sum tú fer at brúka
Okkum er fortalt, at fyri fyrstuferð fer ISSF at royna at stroyma beinleiðis frá innleiðandi kappingini eisini. Leinkjan til ISSF kanalina er: https://www.youtube.com/issfchannel
Skjótisamband Føroya 