Seinasta FM kappingin á hesum sinnið, varð avgreidd úti á Vík í Leirvík leygardagin, tá FM í Nordisk Trap bleiv hildin.

Alex Johannesen, sum vann FM í OL trap vikuna frammanundan, gjørdi ikki mætari enn, at vinna FM í Nordisk Trap eisini, og harvið endurvann hann eisini meistaraheiti í Nordisk Trap, sum hann eisini vann í fjør.

Silvuri vann bróðurin Carsten Joensen, sum mátti í umskjóting við Torkil Eli Ternustein, fyri at avgerða hvør skuldi blíva nummar 2. og 3.

Unglingakappingina vann Marius Gaardlykke frammanfyri Harry Mikkelsen.

Úrslit

1. Alex Johannesen
2. Carsten Joensen
3. Torkil E Ternustein
4. Magni Thomsen
5. Kristian Johannessen
6. Marius Gaardlykke
7. Jógvan Linklett
8. Harry Mikkelsen
9. Áslakur Johannesen

Unglingar

1. Marius Gaardlykke
2. Harry Mikkelsen

Allir íðkarar vórðu úr Eystuskot, og øll úrslitini síggjast undir hagtøl.

Kappingarárið 2025 hjá Skjótisambandinum er nú við at verða liðugt, tó er tann tiltikna Veðrakappingin, har vinningurin er ein livandi veðrur komandi vikuskifti, og Mikkjalsmessukappingin í OL trap, verður tvær vikur eftir Veðrakappingina.

Árið endar tann 25. Okt. við Harukappingini, sum er ein samansett sporting hugnakapping, av greinum sum íðkarar ikki vita frammanundan.