Frá 15. juli 2020 hækkar ískoyti til luttøku í kapping uttanlands, fyri egna rokning, upp til 5.000,00 kr.

Hækkaða afturberingin er galdandi til og við 31. desember 2020.

Sí annars treytir her: Kunning í samband við uttanlandsferðir  <- m.a. at tað er her tað verður søkt !!

Um vikuskifti bleiv skipa fyri 34 ára føðingardagskappingini í SKEET hjá Sunda Byrsufelag.

Kappingina vann 23 ára gamli Tórur Fløtt, við at raka 53 útav 60 dúgvum í finaluni. Hetta er samstundis nýtt føroyskt met í eini skeet finalu, hjá einum føroyskum skeet skjútta, gamla metið varð 50.

Nr. 2 gjørdist Jóannis Joensen við 43 í finaluni, og nr. 3 bleiv Marius F. Joensen við 37 í finaluni.
Marius hevur verðið burturstaddur síðan februar mánað, men allíkavæl megnaði hann at skjóta 68 av teimum fyrstu 75 í innleiðandi umførunum.

Øll úrslitini frá kappingini síggjast her:
http://esmarj-dev1.westeurope.cloudapp.azure.com/skfresults/html/Competition_139.html

Næsta kappingin verður ikki fyrr enn 25-26. juli, tá Tórshamar Open er á skránni. Tann kappingin verður á skjótibreytini hjá Veiðifelagnum Byrsumúla á Sandvíkum, kappast verður tá bæði í TRAP og SKEET.

15. juni letur Føroyar upp fyri ferðafólkum úr Danmark, Grønlandi, Íslandi, Norra og Týsklandi. Í hesum sambandið eru koronaleiðreglurnar fyri skjótibreytirnar, dagførdar í samráð við Koronaráðgevingina og Pál Weihe.

Størsta broytingin er at kravið um sóttarhaldið er broytt, og verður nú orða fylgjandi:

Almenna leiðbeiningin er, at sóttarhaldið er avtikið tá fólk koma frá Danmark, Íslandi, Grønlandi, Týsklandi og Noregi. Frá øðrum londum er 14 daga sóttarhald enn galdandi, áðrenn fólk kunnu møta á skjótibreyt.
Vit vilja tó mæla til fyrivarni frá teimum, sum koma uttanífrá og ikki eru vorðin testa, tí tey kunnu bera smittuna við sær – smittan gongur jú í Danmark og Noregi.

2 metra frástøðan er eisini lækka niður í 1 metur, umframt at matur verður loyvdur, um man er í eingagnshandskum.

!! MINST TIL FRÁSTØÐU OG HANDREINFØRI !!

Dagførdu leiðreglarnar í PDF sniðið at prenta: Korona – leiðreglur(2)

Í samband við vaksandi virksemi, hevur Skjótisamband Føroya (SkF) fyri fyrstu ferð í søguni sett fastlønt starvsfólk í starv hjá sersambandinum.

Tann 1. juli 2020, byrjar Herleif Hammer sum skrivstovu / samskipari / skrivarahjálp hjá SkF (vanliga nevnt aðalskrivari)

Herleif hevur royndir innan leirdúgvuskjóting í Føroyum, og tí bleiv mett, at hann varð skikkaður til starvið.

SkF arbeiðir miðvíst við at fáa føroyska ítróttarskjóting altjóða viðurkenda, og í hesum sambandið er umsókn send til ISSF, um føroyskan limaskap, sum merkir m.a. at føroyskir skjúttar kunnu luttaka undir egnum flaggi til m.a. World Cup og norðurlandameistarakapping. Ein av uppgávunum hjá Herleif, verður m.a. at fylgja upp og røkja hesa uppgávu.

Vit ynskja Herleif hjartaliga tillukku við nýggja starvinum, og gleða okkum til samstarvið okkara millum.

Kappingarreglarnar eru dagførdar viðvíkjandi nýtslu av patrónum til kappingar.

Sí dagførdu reglar her: Reglugerð fyri kappingar í skeet og trap

Á aðalfundinum sum varð í ÍSF húsinum tann 22. apríl 2020, bleiv starvsnevndin í SkF mannað fyri 2020-2021.

Umboðini eru:

Esmar Joensen, formaður (valdur í 2 ár fram til 2022)

Marius F. Joensen, vegna Sunda Byrsufelag

Jógvan Egholm, vegna Vestmanna Byrsufelag

Finn Ludvig, vegna Veiðifelagið Byrsumúli

Jónstein Johannesen, vegna Eysturskot

Myndugleikarnir hava boða frá, at ítróttartiltøk kunnu byrja varliga tann 20. apríl 2020.

Samstundis bleiv áheitan send til sersambondini í ÍSF, um at leggja tiltøkini til rættis í samstarvið við Koronaráðgevingina.

Skjótisamband Føroya, hevur í tráð við almennu leiðreglurnar og Koronaráðgevingina orða leiðreglur hvussu skjótingin skal skipast eftir 20. apríl 2020.

Sí leiðreglar her:

Korona leiðreglur – útgáva 2

Vinarliga
Esmar Joensen
Formaður

SkF hevur játta at flyta dagfesting fyri hesar kappingar:

34 ára føðingardagskappingin hjá SBF, sum skuldi verða tann 18. apríl, verður flutt til 27. juni.

Krossmessukappingin hjá VBF, sum skuldi verða tann 2. mai, verður flutt til 9. mai.

Haldi tykkum kunnugan um møguliga aðrar broytingar á https://skot.fo

Leiðreglur viðv. skóting í samband Korona smittuna kemur eftir páskir, tá SkF hevur ráðført seg við nýggju almennu Korona-ráðgevingina.

Orsaka Korona smittuna, er venjingarlegan sum skuldi verða 27-28. juni 2020 avlýst 😦

Skrá er sambært lógum felagsins – úr lógunum kann m.a. lesast:

• At formenninir í limafeløgunum eru fastir limir í nevndini í SkF, men at feløgini kunnu velja annað umboð í nevndina í staðin

Vegna SkF
Esmar Joensen, formaður