Nú er greitt hvør skal umboða Føroyar á oyggjaleikinum á Guernsey í summar.
Í OL skeet Tórur Fløtt, SBF Jóhann Fløtt, SBF
Í English Skeet Jógvan Egholm, VBF Herleif Hammer, VBM
Í OL trap Jón Jacobsen, VBM Finn Ludvig, VBM
Í Automatic Ball Trap Per S. Hansen, EYS Alex Johannesen, EYS
Úttiknu íðkararnir skulu umboða Føroyar í einstaklinga kapping og liðkapping, í tí greini teir eru úttiknir til.
Hetta er fyrstuferð at Skjótisambandið hevur úttikið eitt landslið í English Skeet. Hendan greinin verður vanliga ikki skotin í Føroyum, men útfrá royndum á Føroyaleikunum, er avgerð tikin um at úttaka eitt landslið í English Skeet.
Fýra av íðkaranum luttaka fyri fyrstuferð á oyggjaleikum, hesir eru Jóhann, Jógvan, Herleif og Per. Per luttók fyrstuferð í skjótikapping fyri júst 2 árum síðan, og hevur hann víst, at við seriøsiteti, venjing og at taka góð ráð til sín, ber til at koma langt innanfyri ítróttarskjóting uppá stutta tíð.
Hópurin fer nú at fyrireika seg til leikirnar, og Skjótisamband Føroya fer at gera alt fyri, at fyrireikingarnar til leikirnar eru so góðar sum gjørligt.
Kappingarárið 2023 bleiv í dag skotið í gongd við F80 føðingardagskappingini hjá Veiðifelagnum Byrsumúla. Kappingin telur við í úttøkuni til oyggjaleikir 2023 á Guernsey, og altjóða landsliðsúttøkuni hjá Skjótisambandinum, men hóast veðrið og umstøður vóru frálíkar, varð ongin broyting í støðuni í oyggjaleikaúttøkuni 2023.
Nú er bert ein heimlig kapping eftir, til greitt verður hvør hevur vunnið pláss á landsliðinum, at umboða Føroyar á oyggjaleikinum 2023. Í skeet verður tað 37 ára kappingin tann 15. apríl, sum avgerð úrslitið av úttøkuni í skeet, og í trap verður tað flaggdagskappingin tann 22. apríl, sum avgerð úttøkuna í trap.
Arbeitt hevur verði í eina tíð við at endurskoða okkara landsliðsúttøku, arbeiði er nú komið á mál, og nýggjar reglar eru orðaðar fyri allari landsliðsúttøku hjá SkF í framtíðini.
Úttøkan verður møguliga tikin í nýtslu fyrstu ferð seint komandi summar, tí vit arbeiða at fáa nøkur ting uppá pláss viðv. einari nýggjari ISSF luttøku. Meira kunning kemur um hetta seinni.
Nú er greitt nær nøvnini á oyggjaleika luttakarunum skulu verða inni, og eftir hesum er ásett tíðarfreistir í mun til nær úttøkurnar til oyggjaleikir 2023 enda.
Skeet Úttøkan í skeet endar tann 15. apríl 2023 kl. 23:59. Eftir hetta fáa 4 teir fremstu íðkararnar í skeet úttøkuni, freist til 17. apríl kl. 17:00 at fráboða um teir koma við ella ikki.
Trap Tá úrslitið av Flaggdagskappingin (EYS) tann 22. apríl 2023 er greitt, endar úttøkan í trap. 4 teir fremstu íðkararnir skulu beinanvegin eftir at úrslitið er greitt, boða frá um teir koma við ella ikki, t.v.s. uml. kl. 17:00 nevnda dag.
Val av grein Vísandi til úttøkureglarnar, so hava tveir teir fremstu í hvørji grein fyrsta rætt at velja hvørji grein ið teir vilja luttaka í, men SkF vil viðmæla, at íðkarar sum verða úttiknir, tosa saman innanhýsis, áðrenn endalig fráboðan um hvør luttekur í hvørji grein, verður send til SkF.
Allir 8 verða paraðir saman tveir og tveir, og skulu umboða Føroyar í hesum skjótigreinum:
– Eitt par í skeet, skal skjóta Olympic Skeet einstaklingar og lið kapping. – Eitt par í skeet, skal skjóta English Skeet einstaklingar og lið kapping. – Eitt par í trap, skal skjóta Olympic Trap einstaklingar og lið kapping. – Eitt par í trap, skal skjóta Automatic Ball Trap einstaklingar og lið kapping.
Hetta er sjálvsagt treyta av, at nevndu skjótigreinar eru partar av endaligu kappingarskránni á oyggjaleikum 2023, og at SkF fær 8 pláss í ferðalagnum.
Seinasta freist at boða SkF frá hvørji grein íðkari luttekur í, er sunnudagin tann 23. apríl. kl. 17:00.
Útlendskar kappingar Fráboðanarfreistin fyri møguligari útlendskari kapping, sum skal telja við í úttøkuni er 15. apríl. 2023 kl. 23:59.
Upplýsingar Íðkarar sum umboða landsliðið skulu beinanvegin senda hesar upplýsingar til SkF.
Teldupostbústaður Telefonummar Mynd av síðuni í freðapassi, har andlitsmyndin stendur Mynd av fremstu síðu í vápnaprógvi Mynd av báðum síðum í vápnapassi Bústaður
Fráboðanir og upplýsingar skulu sendast sum teldupost til skot@skot.fo ella Messenger boð til formannin.
!! VÆLVILD !! Tað hevði verði sera gott, um íðkarar sum longu nú, áðrenn at úttøkan er liðug, vita um teir koma við ella ikki, boða SkF frá hesum beinanvegin. Tí tað sparir okkum fyri nógvari óneyðugar spilltíð til umsiting og samskipan.
Nú enn eitt ár er við at fáa ein enda, vil Skjótisamband Føroya ynskja øllum limum í limafeløgunum, nevndir, viðskiftafólk og ÍSF eini gleðilig jól, og eitt av Harranum signað nýggjár, við tøkk fyri stuðul og samstarv í brátt farna ári. 🎅🧨
Vit síggja fram til eitt spennandi og hendingaríkt ár í 2023. 😀
Starvsnevndin avgjørdi á starvsnenvdarfundi tann 23. februar 2022, at hereftir verður ongin áminning um at brúka óbrúkt gávukort, send til vinnarar av gávukortum, tá tey eru um at ganga út. So hereftir er tað upp til vinnaran sjálvan, at halda eyga við at fáa óbrúkt gávukort brúkt, áðrenn tey ganga út 31. desember.
Óbrúkt gávukort fella aftur til SkF, um tey ikki verða brúkt innan útgongu dagfestingina.
Um vikuskifti hevur Skjótisamband Føroya avgreitt seinastu FM kappingina á hesum sinni.
Kappast hevur verði í OL skeet, og byrja bleiv leygardagin við innleiðandi umførunum í Vestmanna, og sunnudagin blivu seinastu innleiðandi umførini, umframt finalurnar avgreiddar á breytini hjá Veiðifelagnum Byrsumúla á Sandvíkum.
Marius F. Joensen úr Sunda Byrsufelag vísti styrki frá byrjan, og í innleiðandi umførunum, semifinalu og finalu varð hann fremstur alla tíðina. Í finaluni megnaði hann at verða 7 dúgvur frammanfyri nummar tvey, sum varð Jóannis Joensen úr sama felag. Bronsuna vann Tórur Fløtt eisini úr Sunda Byrsufelag. Hesir tríggir skulu eisini umboða Føroyar í heimsmeistarakappingini í skeet, sum verður í Kroatia um ein stóran mánað ella so.
Bert Jóhann Fløtt úr Sunda Byrsufelag luttók í unglinga kappingini, sostatt vann hann unglinga kappingina uttan mótstøðu. Hetta er samstundis seinasta árið, at Jóhann er unglingur, næsta ár rykkir hann upp í vaksna bólkin.
Úrslit 1. Marius Fríðálvur Joensen 2. Jóannis Joensen 3. Tórur Fløtt 4. Jóhann Fløtt 5. Johnny á Túgvu 6. Benjamin Thomassen 7. Sámal Eyðstein Debes 8. Jógvan Egholm 9. Herleif hammer 10. Marjus Debes 11. Pól Jóhannus Smith Jensen 12. Ingolf Debes 13. Jógvan Højgaard
Kappingin byrjar leygardagin 27. august 2022 kl. 9:00. Uml. kl. 13:00 eru innleiðandi umførini liðug.
Sunnudagin 28. august verður byrja kl. 13:00 við seinastu innleiðandi umførunum. Uml. kl. 16:30 byrja finalurnar, og ein tíma seinni er greitt hvør er føroyameistari í skeet 2022.
Filmsbrot tá lutakastið verður gjørt: [ Trýst her ]
Beinleiðis dagføring við úrslitinum verður her: [ Trýst her ]
Í samband við landsliðsluttøku, hevur SkF í kvøld eftir áheitan frá Veiðifelagnum Byrsumúla, játta at Mikkjalsmessukappingin verður flutt eina viku aftur, frá 24. sept. til 17. sept.
Skjótisamband Føroya 