Leygardagur 2. juli 2022
OL skeet og OL trap á Sandvíkum Tórshavn.

Byrja verður at skjóta klokkan 9:00, og íðkarar skulu møta í seinasta lagi kl. 8:30.

Kappingarnar telja við í Føroya Cup, Grand Prix, makkarakappingini og landsliðsúttøku til ISSF World Championship 2022 í Kroatia, og oyggjaleikirnar 2023 á Guernsey.

Skotin verða 3 innleiðandi umfør, síðani verða finalur.

Í OL skeet verða nýggju 2022 ISSF finalurnar brúktar.

Í OL trap verða 2017 ISSF finalurnar brúktar, men eydnaðst tað at dagføra útgerðina innan kappingina, verða nýggju 2022 ISSF finalurnar brúktar. Program verður kunngjørt seinni.

Til ber at fylgja við úrslitinum, við at trýsta á leinkjurnar niðanfyri.

OL skeet: [ Trýst her ] (lutakasti verður hóskvøldið 30/6) 
OL trap: [ Trýst her ] (lutakasti verður hóskvøldið 30/6)

Íðkarar fáa ein matpakka í part frá Føroyaleikum á middegi.

Sunnudagur 3. juli 2022
English skeet og Automatic Ball Trap á Sandvíkum Tórshavn.

Byrja verður at skjóta klokkan 13:00, og íðkarar skulu møta í seinasta lagi kl. 12:30.

Kappingarnar telja við í makkarakappingin hjá Skjótisambandinum.

Skotin verða 3 innleiðandi umfør, síðani verða finalur sambært kappingarreglunum.

Kappingarreglarnar eru týddar, og síggjast niðanfyri. Serliga verður heitt á skeet íðkarar, um at seta seg væl inn í raðfylgjuna av dúgvunum.

Automatic Ball Trap [ Trýst her ]
English Skeet [ Trýst her]

Til ber at fylgja við úrslitinum, við at trýsta á leinkjurnar niðanfyri.

English skeet: [ Trýst her ] (lutakasti verður hóskvøldið 30/6) 
Automatic Ball Trap: [ Trýst her ] (lutakasti verður hóskvøldið 30/6)

Kaffi og okkurt søtt aftur við verður til matna.

Vinningar
Tað verður kappast um vøkur serframleidd heiðursmerki, og handanin fer fram aftaná hvørja kapping, men áðrenn handanina skulu allir íðkarar rudda breytina fyri dúgvubrot.

Allir íðkarar kappast í sama bólki, t.v.s. tað verða ikki A ella B bólkar.

Venjing
Í vikuni upp undir Føroyakeikir letur VBM breytina upp fyri venjing, fyri íðkaranum sum hava tilmelda seg leikirnar. Men tekniskar avbjóðingar eru í løtuni á skeet breytini. Fylg við á teirra heimasíðu https://byrsumuli.fo/ hvussu gongur við at rætta brekið.

Kappingastjóri

Listi við tilmeldingum
https://docs.google.com/spreadsheets/d/1o8rXavcdkfa53XF8kM3u6fR7TlwsNNe27PPasW-dzco/edit?usp=sharing

Góða kapping!
Skjótisamband Føroya

!! Gevið gætur !!

Fyrr er kunngjørt, at úttøkurnar til World Championship 2022 í Kroatia enda ávikavist 28/7 og 8/8.

Men av tí at boð nú eru komin um, at nøvnini á íðkaranum skulu verða fyrr inni hjá ISSF, verða vit noydd at enda úttøkuna fyri bæði skeet og trap eftir Tórshamar Open tann 24. juli 2022.

Eftir tað, fær íðkari 1 døgn at umráða seg í, um hann kemur við ella ikki, og IKKI 2 døgn sum tað stendur í úttøkureglunum.

Orsaka órógvi 😦

Skjótisamband Føroya hevur úttikið 6 íðkarar at umboða Føroyar í norðurlandameistarakappingini sum verður í Finnlandi í døgunum 4.-7 august 2022.
Íðkarar ið fara at umboða Føroyar verða hesir.

Aftrat hesum verða Esmar Joensen og Herleif Hammer við sum umboð og ferðaleiðarar.

Hetta er aðru ferð at Føroyar luttekur í NSR kappingini, men fyrru ferð varð tað sum gestaíðkarar, tí vit livdu tá ikki upp til treytirnar fyri at fáa limaskap í NSR. Men eftir at Skjótisambandið fekk limaskap í altjóða skjótisambandinum ISSF, hevur borið til at blíva limur í NSR, og kunnu okkara íðkarar nú luttaka á jøvnum føti sum onnur limalond í NSR.

Limalondini í NSR eru:
Ísland
Føroyar
Stóra Bretland
Noregi
Danmark
Svøríki
Finnland
Estland

Skjótisamband Føroya hevur avgjørt at úttaka 3 íðkarar í TRAP, og 3 íðkarar í SKEET til eitt føroyska landsliðið, at umboða Føroyar í ISSF WORLD CHAMPIONSHIP 2022, sum verður í Kroatia í døgunum 19. sept. 2022 til 12. okt. 2022.

Dagføring 21-06-2022:
Báðar úttøkur enda 24. juli 2022 eftir Tórshamar Open, eftir tá fær íðkari 1 døgn at umrøða seg í, um hann kemur við ella ikki.

Sambært kappingardøgunum í kappingini og úttøkureglunum, so verður tikið út eftir úrslitum í hesum tíðarskeiði:

SKEET: 08. august 2021 til 08. august 2022.
TRAP: 28. juli 2021 til 28. juli 2022.

Styrkislistarnir síggjast her (PDF fíla sum verður dagførd manuelt leypandi)

TRAP: [ Trýst her ]
SKEET: [ Trýst her ]

Allar úttøkureglarnar síggjast her: [ Trýst her ]

Kappingin
Fyribils tíðarætlan
Um kappingina
Innbjóðing

Tað gongur væl við tilmeldingunum til Føroyaleikir, og nú byrjar at fækkast við plássum.

Støðan er í løtuni hendan.

Leygardag 2. juli
OL skeet: 10 pláss eftir.
OL trap: 8 pláss eftir.

Sunnudag 3. juli
English skeet: 6 pláss eftir.
Automatic Ball Trap: 2 pláss eftir.

Tilmeldingin letur sjálvvirkandi aftur, tá øll plássini eru tikin, ella mánadagin 30. mai 2022, tá ÍSF endar tilmeldinga.

So um tú enn ikki hevur tilmelda teg Føroyaleikir í 2022, so er at fáa tað gjørt nú beinanvegin á https://foroyaleikir.fo/

Listi við tilmeldingum sæst her:
[ Trýst her ]

Íðkarar sum skulu luttaka í skjótingini, skulu í ár tilmelda seg á hesi slóð:
https://foroyaleikir.fo/skjoting-2/

Tað er avmarka pláss við “først-til-mølle” raðfesting, so tað ræður um at skunda sær at tilmelda seg, um ein ætlar sær at luttaka á leikinum.

Freistin at melda seg er 30. mai 2022.

Kappingarnar leygardagin 2.juli telja við í landsliðúttøkuni, Føroya Cup, Grand Prix og makkarakappingini.

Dúgvur og patrónir eru íroknað luttøkugjaldið.

Søguligur dagur fyri føroyska ítróttarskjóting, tá fyrsta Nordisk Trap kapping nakrantíð í Føroyum, bleiv avgreidd av Eysturskot í dag.

14 luttakarar luttóku, og úrslitini síggjast her: [ Trýst her ]

Nú er kunngjørt, at norðulendska meistaraheiti í Finnlandi verður 3.-7 august.
Tað merkir at úttøkan til landsliðið, sum skal umboða Føroyar, endar tann 4. juni á midnátt.
Reglar fyri úttøkuna sæst her: [ trýst her ]
Støðan í úttøkuni sæst her: [ trýst her ]

Úrslitini frá F80, sum er fyrsta kappinginin í ár er skrásett í hagtalsgrunninum:

https://skfhagtol.z6.web.core.windows.net/Competition_221.html