Skjótisamband Føroya hevur seinasta hálvt annað árið havt treytaðan limaskap í ESC, treytin fyri at fáa endaligan limaskap, varð at næst komandi aðalfundurin í ESC góðtók limaskapin.

Hetta vikuskifti varð so aðalfundurin hildin í Yerevan í Armenia, og fyrsta mál á skránni varð at atkvøða um føroyska limaskapin. Úrslitið av atkvøðugreiðsluni varð, at ongin varð í móti, tvær blankar og restin atkvøddu fyri.

Við hesum eru føroyska skjóting komin á mál við altjóða limaskapinum, sum sersambandið setti sær fyri at vera limir í.

Limaskapirnir eru hesir:

2020: International Shooting Federation (altjóða) (ISSF)

2021: Nordic Shooting Region (norðurlendska) (NSR)

2025: European Shooting Federation (evropeiska) (ESC)

Við hesum kunnu føroyskir íðkara luttaka í øllum altjóða skjótikappingum, undir egnum flaggi á jøvnum fóti við øll onnur lond í heiminum.