Hetta er aðruferð at 17 ára gamli Bartal er úttikin. Hann umboðaði Føroyar fyri fyrstu ferð í fjør í norðurlandameistara kappingini, og hevur síðani megna at hildið fast ovarlaga á styrkslistanum, til at blíva úttikin einaferð aftrat. Serliga úrslit frá kappingum uttanlands, hava gjørt at hann hevur hildið fast í høga styrkitalinum.
Skjótisamband Føroya hevur úttikið 5 íðkarar at umboða Føroyar í World Cup, sum verður í Italia í døgunum 4.-14 juli 2025.
Íðkarar ið fara at umboða Føroyar verða hesir.
OL Trap Alex Johannesen, EYS Johnhard Klettheyggj, VBM Esmar Joensen, VBM
OL Skeet Tórur Fløtt, SBF Pól Jóhannus Smith Jensen, SBF
Hetta er fyrstu ferð at Pól Jóhannus umboðar Føroyar á landsliðinum, seinastu árini hevur hann víst seriøsitet, og hevur so líðandi betra um úrslitini, til at hann nú fær møguleikan at umboða Føroyar á landsliðinum.
Nú kunngjørt er, at einstaklinga finalur verða eftir innleiðandi umførini í F80 kappingin leygardagin 29. mars, er avgjørt at kappingin telur við í Grand Prix kappingini fyri 2025. Stigini telja eisini við í úttøkuni.
Tað hevur víst seg at verða torført, at fáa eina skipan at virka, har íðkarar fáa endurgoldið gjaldið fyri vápnakufferti yvir sponsor avtaluna millum ÍSF og Atlantic Airways, tá íðkari bíleggur ferðaseðil sjálvur, og ferðast til tiltak fyri egna rokning.
Skipanin virkar, tá tað er SkF sum bíleggur og stendur fyri ferðaseðlinum, men at bíleggja fyri íðkarar, ið ferðast fyri egna rokning, krevur størri umsiting.
Í staðin skal íðkari nú sjálvur rinda fyri kufferti, og hækkar ferðaískoyti ið SkF letur við 800,00 kr. (tað sama sum eitt vápnakuffert uml. kostar báðar vegir).
Skjótisamband Føroya hevur avgjørt at úttaka landslið til tríggjar altjóða kapppingar í 2025.
ISSF World Cup Shotgun, Lonato del Garda, Italia
4 – 14. juli 2025, OL trap og OL skeet
Enn fyriliggur ikki endalig kappingarskrá nær greinarnar verða.
EUROPEAN CHAMPIONSHIP, CHÂTEAUROUX, Frankaríki
24 – 30. juli 2025, OL skeet
31 – 06. august 2025, OL trap
Norðurlendsk Meistarakappingin í Nordisk Trap 2025, Kröderen Noregi
Einaferð í august (endalig dagfesting fyriliggur ikki enn)
Úttøkan til World Cup Italia, endar 4. mai. 2025 kl. 23:59. Úttøkan til EM Frankaríki, endar 24. mai. 2025 kl. 23:59. Úttøkan til NM Noregi, verður kunngjørd tá kappingardagfesting fyriliggur.
Úttikið verður sambært almenna styrkslistanum á skot.fo (gamli styrkislistin í OL trap, verður brúktur til OL trap úttøkuna), og mett verður í hvørjum einstøkum førið um stødd á landsliði, grunda støði og samanseting av teimum sum liggja ovast á listanum.
Eftir at úttøkan er liðug, setir SkF seg í samband við møguligar úttiknar íðkarar, hesir skulu boða frá beinanveg, um teir koma við á landsliðið, ella ikki.
!! VÆLVILD !!
Tað hevði verði sera gott, um íðkarar sum longu nú, áðrenn at úttøkan er liðug, vita um teir koma við ella ikki, boða SkF frá hesum beinanvegin. Tí tað sparir okkum fyri nógvari óneyðugar spilltíð til umsiting og samskipan.
Les annars meira um landsliðsúttøkur hjá SkF her: [ Trýst her ]
Størsta broytingin í mun til 2024, er at ABT verður ikki longur í Leirvík, ístaðin verður trap skotið við OL trap vinkum og ferð í Leirvík. Hetta ger at greinin nú aftur verður javnsett við OL trap í landsliðsúttøku, Føroya Cup og Grand Prix.
Frá 1. januar 2025, byrjar nýggjur styrkislisti at telja í OL trap. Hesin telur tvær tær bestu kappingarnar í Leirvík og tvær tær bestu frá Sandvíkum, umframt útlendskar kappingar. Les meira undir landsliðsúttøkur: https://skot.fo/landslidsuttokur/
Men av tí at mugu samla upp kappingar frá báðum støðum, áðrenn nýggi listin kann brúkast, verður gamli styrkislistin brúktur til og við 20. juni 2025, eftir hesa dagfesting fær nýggi styrkislistin gildi.
Einaferð fyrst í komandi árið, verður nýggi styrkislistin klárur undir hagtølum.
Eftir at Skjótisamband Føroya fekk limaskap í altjóða Skjótisambandinum ISSF, hevur verði arbeitt í eina tíð við, at blíva limir í Evropiska Skjótisambandinum (ESC) eisini.
Arbeiðið er nú komið so mikið langt, at formansskapurin í ESC hevur játta føroyskan limaskap, treyta av at aðalfundurin endaliga samtykkir tað í oktober mánað 2025.
Formansskapurin hevur samstundis játta, at okkara landslið kunnu luttaka í øllum EM kappingum, á jøvnum fóti við øll onnur lond, frá degnum í dag.
Vit í SkF fegnast um hesa fyribils góðtøku, og víðkar hetta munandi um útboði av kappingum í Evropa, sum okkara íðkarar kunnu luttaka í framtíðini.
Síðan skipa skráseting av úrslitinum frá skjótikappingum bleiv sett í verk, hevur verði talt hvussu nógvar kappingar ið íðkarar hava luttikið í.
Tveir íðkarar hava til í dag luttikið í fleiri enn 100 kappingum, teir eru Tórur Fløtt og Sámal E. Debes, men í dag rundaði enn ein íðkari 100 kappingar. Hetta hendi á ársins seinastu trap kapping, tá Finn Ludvig úr Veiðifelagnum Byrsumúla luttók í Mikkjalsmessukappingini. Umframt at runda 100 kappingar, megnaði Finn eisini at vinna kappingina. Nr. 2 gjørdist Alex Johannesen og nr. 3 Johnhard Klettheyggj.
Finn Ludvig er samstundis fyrsti trap íðkari í Føroyum, sum rundar 100 trap kappingar.
Formaðurin Skjótisambandinum, Esmar Joensen handaði Finn eina gávu frá Skjótisamband Føroya, sum minni um dagin.
Tá tað gjørdist greitt, at aðalfundurin í norðurlendska skjótisambandinum NSR ikki kundi avgreiðast í Danmark fyrr í ár, tók Skjótisamband Føroya (SkF) av møguleikanum, og bjóðaði seg fram, at verða vertur fyri fundin í Føroyum í staðin.
Hetta varð undirtøka fyri í millum limalondini, og fríggjadagin tann 6. September varð aðalfundurin í NSR fyri 2024, hildin í nýggju felagshølinum hjá Veiðifelagnum Byrsumúla, á Sandvíkum í Tórshavn.
Eftir at formaðurin í SkF, Esmar Joensen hevði boði vælkomin og greitt frá skránni fyri dagin, bleiv orðið lati til danska formansskapin, sum stýrdi restina av fundin.
Á fundinum bleiv m.a. viðgjørt komandi aðalfundurin í Evropeiska Skjótisambandinum, og at EU hevur ætlanir um at seta forboð fyri blýggj høglum í lóðri. Eisini bleiv kunna um nýggju útbúgvingarskipanina av venjarum, sum altjóða skjótisambandið hevur íverksett.
Ongin atkvøðugreiðsla varð neyðug fyri at velja nýggjan formann í NSR, tí Estland bjóðaði seg at taka yvir, og skipa fyri norðurlendskari kapping í Tallin í august 2026. Svøríki bjóðaði samstundis at skipa fyri kappingini í 2028.
Eftir aðalfundin varð skipa fyri skjótikapping millum umboðini frá limalondunum. Kappingina vann forsetin í Estlandi, nummar tvey gjørdist forsetin í Føroyum, og bronsuna vann forsetin í Finnlandi. Umboðini vóru sera hugtikin av nýggju skjótibreytini á Sandvíkum.
Eftir hetta varð farið túr við Skúlvadal Sightseeing, og seinni á kvøldið ein betri biti.
Samanumtikið ein sera góður dagur, og SkF hevur fingið stórt rós aftaná fyri tiltakið. Fleiri hava á orðið, at hetta er ikki seinastu ferð at tey eru í Føroyum.
At bjóða seg fram at verða vertur fyri einum slíkum fundi, er partur av endamálinum hjá SkF, at verða meira virkin á altjóða pallinum, so at okkara íðkarar kunnu fáa størri avbjóðingar.
Limalondini í norðurlendska skjótisambandinum eru: Ísland, Føroyar, Stóra Bretland, Írland, Noregi, Svøríki, Danmark, Finnland, Estland, Letland og Litava.
Skjótisamband Føroya 