Author Archives: Esmar Joensen

Faldari “Tak væl ímóti”

Í nýggja faldaranum, sum FUR og ÍSF hava samstarvað um, fáast einfaldar loysnir og uppskot um, hvussu ein tryggjar ta góðu móttøkuna í sínum felagi ella felagsskapi.

Tað kunnu vera tær smáu, einføldu gerðirnar, sum gera munin. Faldarin vendir sær til limir, íðkarar og leiðarar í felagsskapum og til nevndarlimir, foreldur, venjarar, undirvísarar og hjálparfólk – t.e. øll tey, sum møta nýggjum limum ella luttakarum í felagsskapinum.

Faldarin kann skapa enn betur grundarlag hjá feløgunum at draga til sín og fasthalda nýggjar limir, leiðarar og aðra sjálvbodna hjálp.

Trýst her fyri at heinta faldaran: Leinkja

Fólkatingsvalið 2019

Nú fólkatingsval stendur fyri durum, vil Skjótisamband Føroya minna á, at vit í Føroyum framvegis ikki hava eitt altjóða viðurkent vápnapass, líka sum okkara grannalond hava.

Á sama hátt, sum føroyingar í dag kunnu hava reytt ES-pass, vildi upplagda loysnin fyri skjótiítróttina verið, at okkara ítróttaskjúttar eisini fingu ES-vápnapass. Til hetta krevst eitt politiskt arbeiði mótvegis donskum myndugleikum, at fáa góðkent okkara vápnalóg og trygdarskeið viðvíkjandi byrsum ájavnt við ta donsku.

Hetta eigur ikki at vera nakar trupulleiki, síðan vápnalógin er broytt, og flestu okkara skjúttar umframt vápantrygdarskeið, eisini hava staðið donsku instruktørútbúgvingina í skjóting. Tað er bakvent hjá okkara fólkum, at ferðast uttanlands við vápnum, einum reyðum ES-passi, men ongum vápnapassi, og har man so skal greiða frá, at man er danskur ríkisborgari við ES-passi, men at Føroyar ikki hava nakað slíkt vápnapass, hvørki ES ella føroyskt.

Tað gongur so dánt at greiða frá hesum, tá vit ferðast til Danmarkar, men óvissan er munandi størri, um vit skulu fara longur. Tað er heldur ikki ókent, at fleiri av okkara ítróttarfólkum illa tora at fara til kappingar longur burturi, tí vandin er at tú verður steðgaður og missir vápnið.

Ein skipan við ES-vápnapassi gevur rætt til at ferðast við byrsuni í Evropa. Tað kundi eisini lætt munandi um umsitingina, tí so eigur ikki at vera neyðugt við ”útflutningsloyvi” hvørja ferð, men ístaðin við einari fráboðan um, at farið verður uttanlands við vápni á sama hátt, sum okkara lagsbrøður í grannalondunum gera, tá teir ferðast til kappingar uttanlands.

Skjótisamband Føroya fer tískil at heita á valevni til fólkatingsvalið, um at arbeiða fyri at fáa meira skipað viðurskifti í sambandi við skjótikappingar uttanlands.

At hesi viðurskifti eru greið, vælskipað og uttan størri ivamál, hevur alsamt størri týdning, tí tað gerst alsamt truplari at ferðast við vápnum, soleiðis sum heimurin hevur lagað seg seinnu árini.

Um tað ikki ber til at vinna okkara skjúttum rætt til ES-vápnapassið, eiga tað at verða tikin stig til at fáa gjørt eitt viðurkent føroyskt “vápnapass”, har legitimatión og eyðmerking av einstaka vápninum framgongur týðiliga.

Vinarliga vegna Skjótismaband Føroya
Esmar Joensen
Formaður

Starvsnevndin í SkF 2019-2020

Á aðalfundinum sum varð í ÍSF húsinum tann 24. apríl 2019, bleiv starvsnevndin í SkF mannað fyri 2019-2020.

Umboðini eru:

Esmar Joensen, formaður (valdur í 2 ár fram til 2020)

Marius F. Joensen, vegna Sunda Byrsufelag

Jógvan Egholm, vegna Vestmanna Byrsufelag

Finn Ludvig, vegna Veiðifelagið Byrsumúli

Jónstein Johannesen, vegna Eysturskot

ÁMINNING, aðalfundurin 2019 !!!

Aðalfundurin 2019 hjá Skjótisamband Føroya (SkF), verður tann 24. apríl 2019 kl. 19:00.

Møta kunnu:

  • Limafeløg í SkF við nevndarlimum sínum
  • Starvsnevndin í SkF
  • Starvsnevnd og grannskoðari hjá ÍSF

Skrá sambært lógum felagsins.

Vinarliga vegna SkF
Esmar, formaður