Category Archives: News

Alex Johannesen og Jóannis Joensen føroyameistarar í leirdúgvuskjóting 2021

Alex Johannesen úr Eysturskot og Jóannis Joensen úr Sunda Byrsufelag gjørdust leygardagin føroyameistarar í ávikavist trap og skeet leirdúgvuskjóting.

Trap kappingin bleiv avgreidd á nýggju breytini hjá Eysturskot úti á Vík í Leirvík, og her vísti Alex frá byrjan styrki, og varð hann fremstur áðrenn finaluna. Men í finaluni fekk hann harða kapping frá Johnhard Klettheyggj, og tað varð ikki fyrr enn seinastu 5 dúgvurnar skuldu skjótast, at Alex fór framum. Á 3. plássi bleiv royndi trap íðkarin Finn Ludvig.

Unglinga kappingina í trap vann Bartal Klettheyggj frammanfyri Hákun G. Heinesen. Báðir eru byrjaðir at íðka leirdúgvuskjótingin hetta seinasta árið, og er hetta fyrsta FM kapping teir luttaka í.

Skeet kappingin bleiv avgreidd á breytini hjá Sunda Byrsufelag við Norðskála. Eftir innleiðandi umførini lá Jóannis á einum 5. plássi, men Jóannis er ein sterkur finalu íðkari, og finaluna megnaði hann at vinna 2 dúgvur frammanfyri nærmasta kappingarneytan, sum varð Jóhann Fløtt. Nummar 3 gjørdist Tórur Fløtt, sum hevur royndir á føroyska skeet landsliðinum.

Unglingakappingina í skeet vann Jóhann Fløtt greitt, nummar 2 gjørdist Leivur Joensen og nummar 3 bleiv Marjus Debes. Líka sum í unglinga kappingini í trap, er hetta fyrsta FM kappingin ið hesir báðir seinastu luttaka í.

Úrslit trap
1. Alex Johannesen
2. Johnhard Klettheyggj
3. Finn Ludvig
4. Jón Jacobsen
5. Jeppe Sommer Bruun
6. Esmar Joensen
7. Kári Joensen
8. Jónstein Johannesen
9. Oddmar Dam
10. Bartal Klettheyggj (U)
11. Høgni Guldbro Jósleivsson
12. Sigurd Rasmussen
13. Per S. Hansen
14. Djóni Lava Olsen
15. Hákun G Heinesen (U)

Úrslit skeet
1. Jóannis Joensen
2. Jóhann Fløtt (U)
3. Tórur Fløtt
4. Herleif Hammer
5. Jógvan Egholm
6. Gunnar Sjúrðarson Knudsen
7. Sjúrður Knudsen
8. Jógvan Højgaard
9. Leivur Joensen (U)
10. Ragnar við Streym
11. Marjus Debes (U)
12. Óla Christian Debes
13. Hávarður Fjallstein
14. Pól Jóhannus Smith Jensen

 




  • Skeet
    1. Jóannis Joensen
    2. Jóhann Fløtt
    3. Tórur Fløtt

  • Skeet unglingar
    1. Jóhann Fløtt
    2. Leivur Joensen
    3. Marjus Debes
  • Trap
    1. Alex Johannesen
    2. Johnhard Klettheyggj
    3. Finn Ludvig
  • Trap unglingar
    1. Bartal Klettheyggj
    2. Hákun G. Heinesen

Flash dúgvur til FM 2021

Finalurnar í FM komandi vikuskifti 21. august, verða avgreiddar við flash dúgvum.

Sambært ISSF shotgun rules 2020, yvirskrift 9.7.4 stk. c, so verður mint á, at flash dúgvurnar telja sum raktar, um sjónligt støv fer av teimum, aftaná at skotið er latið av eftir teimum.

Um flash dúgva órógvar íðkara við at støv fer av dúgvini, tá hon verður blaka út, so kann íðkarin fáa nýggja dúgvu, um hann ikki hevur latið skot av eftir dúgvu sum órógvaði.

Letur skeet íðkari skot eftir aðrari dúgvini av duplettini, men ikki hinari tí hon órógvaði, so telur fyrra skoti við, tá nýggja duplett verður skotin.

Seinasta freist at tilmelda seg til FM er hóskvøldið 19. august kl. 20:00, tilmelding liggur niðanfyri

Føroyameistara (FM) í TRAP og SKEET 2021

FM í TRAP og SKEET skuldi eftir ætlan verða 21-22. august í ár, men av tí at breytin hjá VBM á Sandvíkum ikki er tøk, er avgjørt at stytta kappingina, og avgreiða alt FM leygardagin tann 21. august.

Møtitíð og staður
Byrja verður at skjóta klokkan 9:00, og íðkarar skulu møta í seinasta lagi kl. 8:30.

TRAP íðkarar møta á breytini hjá Eysturskot úti á Vík í Leirvík.

SKEET íðkarar møta á skjótibreytini hjá Sunda Byrsufelag við Norðskála.

Kappingin
Skotið verður eftir 100 dúgvum innleiðandi, og síðani fara 6 teir fremstu íðkararnir í eina finalu, sum verður skotin eftir ISSF finalu reglum.

Kappingin telur við í úttøku, makkarakapping, Grand Prix og Føroya Cup kappinginum hjá Skjótisambandinum.

Allir íðkarar kappast í sama bólki, t.v.s. tað verða ikki A ella B bólkar, men unglingakapping verður sambært reglugerðini fyri FM kappingar, sí her: Trýst her

Vinningar
Umframt heiðursmerki og steyp, verða pengavinningar latnir eftir ávísum treytum.

Reglugerðin fyri ferðasteypið sæst her: Trýst her

Kostnaður
Kostnaðurin fyri kappingina er 250 kr., sum skal flytast á konto 9181 4159154 í seinasta lagi 20. august kl. 23:59.

Gjaldið er íroknað patrónir og dúgvur.

Tilmelding
Tilmelding fer fram við at útfylla hetta oyðublað: >>Trýst her <<

Tilmeldingarfreistin er hósdagin 19. august 2021 kl. 20:00.

Listi við tilmeldingum: trýst her

Vinarliga
Skjótisamband Føroya

 

Seinni og seinasti dagurin í skjóting á Føroyaleikum

Seinni og seinasti dagurin í skjóting á Føroyaleikum bleiv avgreiddur í dag. Frá at hava kappast í øðrvísi kapping fríggjadagin, bleiv ferðin á dúgvunum hækka aftur, og íðkararnir kundu royna seg í kappingum, sum teir eru vanir við at kappast í.
 
Á skjótibreytini úti á Vík í Leirvík, bleiv trap kappingin avgreidd, og beinanvegin frá kappinarbyrjan vísti Alex Johannesen úr Eysturskot, at hann ætlaði sær vinna gullið, sum hann misti dagin fyri, eftir eina spennandi umskjóting við Finn Ludvig. Í dag lá betur fyri hjá Alex, og eftir innleiðandi umførini varð hann á odda, og finaluna vann hann við 40 dúgvum.
Á øðrum plássi í finaluni varð Jón Jacobsen úr Veiðifelagnum Byrsumúla, sum fekk 36 dúgvur. Aftur í dag megnaði Johnhard Klettheyggj at vinna eitt triðja pláss, við 29 dúgvum í finaluni.
 
Skeet kappingin bleiv avgreidd á skjótibreytini við Norðskála. Her vann Tórur Fløtt úr Sunda Byrsufelag við 46 dúgvum, sum varð eina dúgva frammanfyri Sámal E. Debes úr sama felag. Hávarður Fjallstein hevur verði burtur frá skjótingini síðan fjør summar, men í dag megnaði hann at fáa 35 dúgvur í finaluni, sum varð nokk til eitt triðja pláss.
 
Føroyaleikir eru nú lidnir fyri skjótingina. Skjótisamband Føroya ynskir við hesum at takka ÍSF, limafeløg, íðkarar, hjálparfólki og ikki minst fyriskipararnar av leikinum, fyri einar góðar og vælskipaðar leikir. 🇫🇴😀👍
 
Øll úrslitini frá skjótingini síggjast niðanfyri, og hagtølini eru eisini dagførd ☑️

Føroyaleikir 2021 – kunning og úrslit

Fríggjadagur 9. juli 2021
Byrja verður at skjóta klokkan 12:00, og íðkarar skulu møta í seinasta lagi kl. 11:30.

Íðkarar ið hava tilmelda seg English Skeet, skulu møta í Vestmanna, og teir ið hava tilmelda seg Automatic Ball Trap, skulu møta úti á Vík í Leirvík.

Kappingarnar telja við í makkarakappingin hjá Skjótisambandinum.

Til ber at fylgja við úrslitinum, við at trýsta á leinkjurnar niðanfyri.

English skeet: [ Trýst her ]
Automatic Ball Trap: [ Trýst her ]

Leygardagur 10. juli 2021
Byrja verður at skjóta klokkan 9:00, og íðkarar skulu møta í seinasta lagi kl. 8:30.

Íðkarar ið hava tilmelda seg OL Skeet, skulu møta við Norðskála, og teir ið hava tilmelda seg Trap, skulu møta úti á Vík í Leirvík.

Kappingarnar telja við í úttøku, makkarakapping, Grand Prix og Føroya Cup kappinginum hjá Skjótisambandinum.

Til ber at fylgja við úrslitinum, við at trýsta á leinkjurnar niðanfyri.

OL skeet: [ Trýst her ]
Trap: [ Trýst her ]

Kostnaður
Kostnaðurin er 100 kr. pr. kapping, sum skal flytast á konto 9181 4159154 í seinasta lagi 8. juli kl. 23:59. Gjaldið er íroknað patrónir og dúgvur.

Vinningar
Tað verður kappast um serframleidd heiðursmerki, og handanin fer fram aftaná hvørja kapping. Allir íðkarar kappast í sama bólki, t.v.s. tað verða ikki A ella B bólkar.

Íðkarar fáa eisini ein pakka frá ÍSF.

Góða kapping.
Skjótisamband Føroya