Kappingarkalendarin hjá SkF fyri 2020, er nú klárur.
Sí kalendara her:  Trýst her

Kappingarreglarnar fyri Føroya Cup, Grand Prix og FM fyri 2020, eru eisini klárar.
Sí reglar her:  Trýst her

Frá 1. januar 2020 hækkar ferðaískoyti ið SkF letur til skjútta, sum luttekur fyri egna rokning uttanlands, frá 2.000,00 kr. til 3.000,00 kr.

Sí annars teytir her: Kunning í samband við uttanlandsferðir

Kappingarískoyti til limafeløg, ið skipa fyri kappingum fyri SkF, hækkar eisini frá 1. januar 2020, við 50,00 kr. pr skjútta.

Skjótisamband Føroya hevur fingið innbjóðing frá franska skjótisambandinum, til at luttaka á EUROPEAN CHAMPIONSHIP SHOTGUN 2020.

Kappingin er í døgunum 8-20. mai 2020 á tjóðarbreytini í Châteauroux.

Skjúttar sum eru áhugaðir at luttaka, kunnu senda eini boð til skot@skot.fo, so taka vit tað harfrá, sí annars treytir her: https://skot.fo/kunning-i-samband-vid-uttanlandsferdir/

Innbjóðing: FRA – ECH shotgun 2020 chateauroux – status october 2019

Skeet individual verður 9-11 mai.
Tap individual verður 16-18 mai.

NSR verður í Finnlandi í døgunum 4-7. juni í 2020.

Tískil verður úttøku endadagfestingin til NSR dagførd til 31. mars 2020.

Dagførdu úttøkureglarnar síggjast her: NSR 2020

Alex Johannesen úr Eysturskot, gjørdist um vikuskifti føroyameistari í trap leirdúgvuskjóting.

Í finaluni megnaði Alex at skjóta 39 dúgvur, sum vóru tvær meira enn nærmasti kappingarneytin Finn Ludvig úr Veiðifelagnum Byrsumúla.

Nummar 3 bleiv Jón Jacobsen úr Veiðifelagnum Byrsumúla.

Úrslit
1. Alex Johannesen
2. Finn Ludvig
3. Jón Jacobsen
4. Esmar Joensen
5. Johnhard Klettheyggj
6. Petur Skeel Dahl
7. Jónstein Johannesen
8. Bárður Poulsen
9. Sigurd Rasmussen

Byrja verður at skjóta leygardagin 31. august kl. 9:00, og sunnudagin 1. september kl. 13:00.

https://bit.ly/fm2019trap_result

>>Trýst her <<

Marius F. Joensen, úr Sunda Byrsufelag, gjørdist um vikuskifti føroyameistari í skeet leirdúgvuskjóting.

Í finaluni megnaði Marius, at skjóta 50 av 60 dúgvum, sum er javnt við meti, ið Tórur Fløtt og Magni Dam hava í eini skeet finalu.

Nummar 2 gjørdist Sámal E. Debes, og nummar 3 bleiv Johnny á Túgvu, báðir úr Sunda Byrsufelag.

Unglinga kappingina, vann Tórur Fløtt frammanfyri beiggja sín Jóhann Fløtt.

Úrslit
1. Marius F. Joensen
2. Sámal Eyðstein Debes
3. Johnny á Túgvu
4. Jóannis Joensen
5. Gunnar Sjúrðarson Knudsen
6. Tórur Fløtt
7. Jóhann Fløtt
8. Jógvan Egholm
9. Bárður Poulsen
10. Áslakur Johannesen

Komandi vikuskifti 31. august verður FM í trap. Byrja verður at skjóta innleiðandi umførini leygardagin kl. 9:00, og sunnudagin kl. 13:00 verða seinastu umførini og finala skotin.

Báðar dagar verður kappast á skjótibreytini hjá Veiðifelagnum Byrsumúla á Sandvíkum.

https://bit.ly/fm2019skeet_result

Komandi vikuskifti 24-25. august, byrja føroyameistara kappingarnar í leirdúgvuskjóting.

Kappast verður fyrst í skeet, og vikuskifti eftir, tann 31. august til 1. september, verður kappast í trap.

Fyrri dagur í skeet, verður skotin á skjótibreytini hjá Sunda Byrsufelag á Norðskála, og dagin eftir verður skoti á skjótibreytini hjá Veiðifelagnum Byrsumúla á Sandvíkum.

Báðir dagarnir í trap, verða skotnir á skjótibreytini hjá Veiðifelagnum Byrsumúla á Sandvíkum.

Byrjað verður at skjóta innleiðandi umførini leygardag kl. 9:00, og sunnudag kl. 13:00 verða seinastu umførini, umframt finalurnar skotnar.

Aftrat heiðurin at verða føroyameistari, telur kappingin eisini við í Føroya Cup, Grand Prix og í úttøkuni til landsliðs hópin, sum skal luttaka í norðurlandameistara kappingini í Finnlandi næsta ár.